തിരുവനന്തപുരം : മുഖ്യമന്ത്രി സ്ഥാനം ലഭിക്കാത്തതിൽ ഇടഞ്ഞു നിൽക്കുന്ന മുതിർന്ന നേതാവ് രമേശ് ചെന്നിത്തലയെ വീട്ടിലെത്തി സന്ദർശിച്ച് നിയുക്ത മുഖ്യമന്ത്രി വി ഡി സതീശൻ .എല്ലാക്കാലത്തും തന്റെ നേതാവാണ് രമേശ് ചെന്നിത്തല എന്നും ജ്യേഷ്ഠസഹോദരതുല്യനായ രമേശിന്റെ പിന്തുണ തനിക്കുണ്ടാകുമെന്ന് ഉറപ്പാണെന്നും വി.ഡി.സതീശന് പറഞ്ഞു. വി.ഡി.സതീശന് മുഖ്യമന്ത്രി ആയതില് സന്തോഷമുണ്ടെന്നും മന്ത്രി സ്ഥാനം പാർട്ടി തീരുമാനിക്കുമെന്നും ഒരു ഉപാധിയും ഇല്ലെന്നും ചെന്നിത്തല മാധ്യമങ്ങളോട് പ്രതികരിച്ചു.
മുൻ മുഖ്യമന്ത്രി പിണറായി വിജയനെ കണ്ടതിന് ശേഷമാണ് ചെന്നിത്തലയെ കാണാനായി വി.ഡി സതീശൻ എത്തിയത്. ജോസഫ് വാഴയ്ക്കന്, വി.ടി.ബല്റാം, അന്വര് സാദത്ത്, അബിന് വര്ക്കി, ജ്യോതികുമാര് ചാമക്കല തുടങ്ങിയ നേതാക്കളും ചെന്നിത്തലയുടെ വീട്ടിലെത്തിയിട്ടുണ്ട്.
