പോക്‌സോ കേസില്‍ അറുപതുകാരൻ അറസ്റ്റില്‍
ചെങ്ങന്നൂര്‍: പതിനൊന്നുകാരിക്ക് നേരെ ലൈംഗിക അതിക്രമം കാണിച്ച അറുപതുകാരൻ പോക്‌സോ വകുപ്പ് പ്രകാരം അറസ്റ്റില്‍. ആല വടക്ക് പ്ലാച്ചേരിയില്‍ വീട്ടില്‍ ഗോപിനാഥന്‍ (60)ആണ് ചെങ്ങന്നൂര്‍ പോലീസിന്റെ പിടിയിലായത്. ഞായറാഴ്ച വൈകിട്ട് ഒറ്റയ്ക്ക് നടന്നുവരികയായിരുന്ന കുട്ടിക്ക് നേരെ അതിക്രമം കാട്ടുകയായിരുന്നു. കുട്ടി വീട്ടിലെത്തി മാതാപിതാക്കളെ വിവരമറിയിച്ചു. ഇവരുടെ പരാതിയിന്‍ പ്രകാരമാണ് പോലീസ് കേസെടുത്തതും പ്രതിയെ അറസ്റ്റ് ചെയ്തതും. പ്രതിയെ കോടതിയില്‍ ഹാജരാക്കി റിമാന്റ് ചെയ്തു
