തിരുവനന്തപുരം : രണ്ടാം പിണറായി സർക്കാരിന്റെ നാലാം വാർഷികാഘോഷങ്ങൾക്ക് ഇന്ന് തിരുവനന്തപുരത്ത് സമാപനം. പുത്തരിക്കണ്ടം മൈതാനത്ത് വൈകിട്ട് 5ന് നടക്കുന്ന സമാപന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സർക്കാരിന്റെ കഴിഞ്ഞ നാല് വർഷത്തെ പ്രോഗ്രസ് റിപ്പോർട്ടിന്റെ പ്രകാശനവും മുഖ്യമന്ത്രി നിർവഹിക്കും. റവന്യൂ വകുപ്പ് മന്ത്രി കെ. രാജൻ അധ്യക്ഷത വഹിക്കും.
ഏപ്രിൽ 21 ന് കാസർഗോഡ് ആരംഭിച്ച വാർഷികാഘോഷ പരിപാടികളാണ് തിരുവനന്തപുരത്തു പൂർത്തിയാകുന്നത്.വാർഷികാഘോഷങ്ങളുടെ ഭാഗമായി ജില്ലകളിൽ സംഘടിപ്പിച്ച എന്റെ കേരളം പ്രദർശന – വിപണന മേളയും കലാ-സാംസ്‌കാരിക പരിപാടികളും വലിയ വിജയമായിരുന്നു എന്ന് മന്ത്രി വി ശിവൻകുട്ടി വാർത്താ സമ്മേളനത്തിൽ പറഞ്ഞു.
