തിരുവനന്തപുരം : പേരാവൂർ എംഎൽഎ സണ്ണി ജോസഫ് കെപിസിസിയുടെ പുതിയ അധ്യക്ഷൻ. കെ. സുധാകരൻ കോൺഗ്രസ് പ്രവർത്തക സമിതിയിലെ സ്ഥിരം ക്ഷണിതാവാകും. അടൂർ പ്രകാശിനെ യുഡിഎഫിന്റെ പുതിയ കൺവീനർ ആക്കി .പി.സി.വിഷ്ണുനാഥ്, എ.പി. അനിൽകുമാർ, ഷാഫി പറമ്പിൽ എന്നിവർ കെപിസിസിയുടെ പുതിയ വർക്കിങ് പ്രസിഡന്റുമാരാകും. എഐസിസി ജന.സെക്രട്ടറി കെ.സി വേണുഗോപാലാണ് ഇതുസംബന്ധിച്ച പത്രക്കുറിപ്പിറക്കിയത്.
