കോഴിക്കോട് : കോഴിക്കോട് വടകരയില്‍ ലഹരിമരുന്ന് കേസില്‍ പിടിയിലായ അധ്യാപികമാരെ പിരിച്ചുവിട്ടു.പേരാമ്പ്ര ബി.ആർ.സി.യിലെ സ്പെഷ്യലിസ്റ്റ് അധ്യാപികമാരായ കെ.സി. കീർത്തന,കാവ്യ എന്നിവരെയാണ് വിദ്യാഭ്യാസ വകുപ്പ് പിരിച്ചുവിട്ടത്.ഓപ്പറേഷൻ തൂഫാൻ പരിശോധനയുടെ ഭാഗമായാണ് ഈ അധ്യാപികമാരെക്കുറിച്ചുള്ള നിർണായക വിവരങ്ങൾ പൊലീസിന് ലഭിച്ചത്.
ആഴ്ചകൾക്ക് മുമ്പ് വടകര പൊലീസ് റിസ്വാൻ എന്നയാളെ എംഡിഎംഎയുമായി പിടികൂടിയിരുന്നു.ഈ കേസിലെ അന്വേഷണമാണ് അധ്യാപികമാരിലേക്ക് എത്തിയത്. മയക്കുമരുന്ന് വാങ്ങുന്നവർ ഇവരുടെ അക്കൌണ്ടിലേക്കായിരുന്നു പണം അയച്ചിരുന്നത്.കീർത്തനയെ ഈ മാസം 11-നും കാവ്യയെ കഴിഞ്ഞ ദിവസവുമാണ് പൊലീസ് അറസ്റ്റ് ചെയ്തത്.
