ന്യൂഡൽഹി : പശ്ചിമേഷ്യയിൽ സംഘർഷം കനക്കുന്നു.കുവൈത്തിൽ ഇറാൻ കനത്ത വ്യോമാക്രണം നടത്തി . കുവൈത്തിലെ കടൽജല ശുദ്ധീകരണ പ്ലാന്റുകൾ ആക്രമിക്കപ്പെട്ടു. മുൻകരുതലുകളുടെ ഭാഗമായി കുവൈത്ത് അന്താരാഷ്ട്ര വിമാനത്താവളത്തിന്‍റെ പ്രവർത്തനം താൽക്കാലികമായി നിർത്തിവെച്ചു.കുവൈത്ത് എയർവേസ് തങ്ങളുടെ ഭൂരിഭാഗം സർവീസുകളും പുനഃക്രമീകരിച്ചു.
അതേസമയം ,ഇറാനിൽ തുടർച്ചയായ ഏഴാം രാത്രിയും യു.എസ്. ആക്രമണം നടത്തി.യുഎസ് ആക്രമണങ്ങൾ തുടർന്നാൽ ശക്തമായി തിരിച്ചടിക്കുമെന്ന് ഇറാൻ മുന്നറിയിപ്പ് നൽകി .തങ്ങളുടെ വ്യോമാതിർത്തിയിലേക്ക് ഇറാൻ തൊടുത്തുവിട്ട മിസൈലുകൾ വിജയകരമായി തടഞ്ഞതായി ജോർദാൻ സൈന്യവും വ്യക്തമാക്കിയിട്ടുണ്ട്.
