അടൂർ : അടൂരിൽ ഓടിക്കൊണ്ടിരുന്ന ബൈക്ക് കത്തിനശിച്ചു. ബൈക്ക് ഓടിച്ച യുവാവ് അത്ഭുതകരമായി രക്ഷപ്പെട്ടു. ഏനാദിമംഗലം കുന്നിടയിൽ ഇന്ന് രാവിലെ ആയിരുന്നു സംഭവം. മൈനാമൺ കുറുമ്പുകര മുകളുവിളയിൽ ശ്രീക്കുട്ടൻ (27) ആണ് ബൈക്കിൽ സഞ്ചരിച്ചത്.
വിവരമറിഞ്ഞ് അടൂരിൽ നിന്ന് ഫയർഫോഴ്സ് എത്തിയാണ് തീ അണച്ചത്. ബൈക്ക് പൂർണമായും കത്തിനശിച്ചു. പെട്രോൾ ടാങ്ക് പൊട്ടിത്തെറിക്കുകയും ചെയ്തു. ഇന്ധന ചോർച്ചയാണ് അപകട കാരണമെന്നാണ് പ്രാഥമിക നിഗമനം
