കോഴഞ്ചേരി : കടമ്മനിട്ടയിൽ 2 സംഘങ്ങൾ തമ്മിൽ നടന്ന സംഘർഷവുമായി ബന്ധപ്പെട്ട് 7 പേരെ അറസ്റ്റ് ചെയ്തതായി ആറന്മുള പൊലീസ് അറിയിച്ചു. ഈ മാസം 18 ന് കടമ്മനിട്ട ആമപ്പാറയ്ക്കൽ ഭാഗത്ത് നടന്ന സംഘട്ടനവുമായി ബന്ധപ്പെട്ടാണ് അറസ്റ്റ് നടന്നത്. സംഘർഷത്തിൽ വീടുകൾക്കും വാഹനങ്ങൾക്കും നാശനഷ്ടം സംഭവിച്ചു.
കടമ്മനിട്ട ആമപ്പാറക്കൽ പ്രസാദ് (മായക്കണ്ണൻ – 20), കടമ്മനിട്ട ഇളപ്പുങ്കൽ കുറ്റിയിൽ അനന്തുകുമാർ (22), വെട്ടിപ്രം തോമച്ചേരിയിൽ സച്ചിൻ സുരേഷ് (20), കടമ്മനിട്ട പൂവണ്ണുംമൂട് പ്ലാക്കോട്ട് വീട്ടിൽ രഞ്ജിത് (കുട്ടു -30), കടമ്മനിട്ട മാർത്തോമ്മാ പള്ളിക്ക് സമീപം മുളന്തറ വീട്ടിൽ സോബിൻ ബാബു (30),കടമ്മനിട്ട കല്ലേലി മുക്ക് വഴിത്താനത്ത് തടത്തിൽ രാജേഷ് (പക്രു – 26), കടമ്മനിട്ട ആ മപ്പാറക്കൽ സനൽ (26) എന്നിവരെയാണ് അറസ്റ്റ് ചെയ്തത്. സംഘർഷവുമായി ബന്ധപ്പെട്ട് രണ്ട് വാഹനങ്ങളും പിടിച്ചെടുത്തു.
സംഭവത്തിൽ കോളജ് വിദ്യാർഥികൾ ഉൾപ്പെടെ 12 ഓളം പേരെയും ആറോളം വാഹനങ്ങളും തിരിച്ചറിഞ്ഞതായും, ഉടൻ പിടികൂടുമെന്നും ആറന്മുള എസ് എച്ച് ഒ പറഞ്ഞു
