തിരുവനന്തപുരം : തിരുവനന്തപുരം മെഡിക്കല് കോളേജില് രോഗിയുടെ കാലില് പുഴുവരിച്ച സംഭവത്തിൽ ഡ്യൂട്ടി ഡോക്ടര്ക്ക് സസ്പെന്ഷന്. രോഗി പരിചരണത്തിൽ വീഴ്ച ഉണ്ടായെന്നാണ് അന്വേഷണ റിപ്പോർട്ട് .ഡ്രസ് ചെയ്ത മുറിവ് കൃത്യമായ ഇടവേളയില് പരിശോധിക്കാനോ പുതുതായി ഡ്രസ് ചെയ്യാനോ ആശുപത്രിയില് ഡ്യൂട്ടിയിലുണ്ടായിരുന്നവര് തയ്യാറായില്ലെന്ന് റിപ്പോർട്ടിൽ പറയുന്നു .
അന്വേഷണ റിപ്പോർട്ട് മെഡിക്കൽ വിദ്യാഭ്യാസ ഡയറക്ടർ ആരോഗ്യമന്ത്രിക്ക് കൈമാറി.ആരോഗ്യമന്ത്രി കെ മുരളീധരനാണ് റൗണ്ട്സിൻ്റെ ചുമതല ഉണ്ടായിരുന്ന ഡോക്ടറെ സസ്പെൻഡ് ചെയ്യാൻ ഉത്തരവിട്ടത്. ബന്ധുക്കളോട് മോശമായി പെരുമാറിയ നഴ്സിനെ നിർബന്ധിത കൗൺസിലിങിന് വിധേയമാക്കാനും മന്ത്രി നിർദേശിച്ചു.വിശദമായ അന്വേഷണത്തിന് വീണ്ടും ഉന്നതതല സമിതിയെ നിയോഗിക്കും.
