സ്വകാര്യബസ്സും ടിപ്പറും കൂട്ടിയിടിച്ച് ടിപ്പർ ഡ്രൈവർക്ക് ദാരുണാന്ത്യം

തിരുവല്ല : തിരുവല്ല- കായംകുളം സംസ്ഥാനപാതയിൽ പൊടിയാടി ജങ്ഷനും പുളിക്കീഴ് പാലത്തിനും ഇടയിൽ സ്വകാര്യബസ്സും ടിപ്പറും കൂട്ടിയിടിച്ച് ടിപ്പർ ഡ്രൈവർക്ക് ദാരുണാന്ത്യം.ടിപ്പർ ഡ്രൈവർ കോട്ടയം സ്വദേശി സന്ദീപ് (30) ആണ് മരിച്ചത്. ബസ് യാത്രക്കാരായ 21 പേർക്ക് പരിക്കേറ്റു .ആരുടെയും പരിക്ക് ഗുരുതരമല്ല. 

തിരുവല്ലയിൽ നിന്നും കായംകുളത്തേക്ക് പോകുകയായിരുന്ന ‘അനിഴം’ ബസ്സും എതിർ ദിശയിൽ നിന്ന് വന്ന ടിപ്പർ ലോറിയും തമ്മിൽ കൂട്ടിയിടിക്കുകയായിരുന്നു. ടിപ്പറിന്റെ ക്യാബിനിൽ കുടുങ്ങിപ്പോയ സന്ദീപിനെ ജെസിബി ഉപയോഗിച്ച് ക്യാബിൻ പൊളിച്ച ശേഷമാണ് പുറത്തെടുത്തത്. പരിക്കേറ്റ ഒമ്പത് പേരെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു.