കശ്മീരിൽ രണ്ട് ലഷ്കർ ഭീകരരെ അറസ്റ്റ് ചെയ്തു

ശ്രീനഗർ : കശ്മീരിലെ ഷോപ്പിയാനിൽ രണ്ട് ലഷ്കർ ഭീകരരെ സുരക്ഷാ സേന അറസ്റ്റ് ചെയ്തു .ലഷ്കർ ഭീകരരായ ഇർഫാൻ ബഷീറും ഉസൈർ സലാമുമാണ് സുരക്ഷാ സേനയും സിആർപിഎഫും പൊലീസും നടത്തിയ സംയുക്ത ഓപ്പറേഷനിൽ പിടിയിലായത് .ഇവരിൽ നിന്നും രണ്ട് എകെ-56 റൈഫിളുകൾ, നാല് മാഗസിനുകൾ, രണ്ട് ഹാൻഡ് ഗ്രനേഡുകൾ, വെടിക്കോപ്പുകൾ എന്നിവയും ഒരു ആധാർ കാർഡും കണ്ടെടുത്തു.ഷോപ്പിയാനിൽ ഈ മാസം നടന്ന വ്യത്യസ്ത ഏറ്റുമുട്ടലുകളിൽ ലഷ്കർ-ഇ-തൊയ്ബ ഉന്നത കമാൻഡറുൾപ്പെടെ ആറ് ഭീകരർ കൊല്ലപ്പെട്ടിരുന്നു.