ഇടുക്കിയിൽ വീണ്ടും കാട്ടാന ആക്രമണം : ഒരാൾ കൊല്ലപ്പെട്ടു

ഇടുക്കി : ശാന്തൻപാറ പന്നിയാറിൽ കാട്ടാനയുടെ ആക്രമണത്തിൽ ഒരാൾ മരിച്ചു. പന്തടിക്കളം സ്വദേശി വിജയൻ(47) ആണ് മരിച്ചത്. ചൊവ്വാഴ്ച രാത്രി കൃഷിയിടത്തിലെ ഷെഡിൽ കഴിഞ്ഞിരുന്ന വിജയൻ വീടിന് സമീപത്ത് കാട്ടാന ഇറങ്ങിയ വിവരമറിഞ്ഞ് വീട്ടിലേക്ക് വരുന്നതിനിടെയാണ് കാട്ടാനയുടെ മുന്നിൽ പെട്ടത് .ആനയുടെ ആക്രമണത്തിൽ ഗുരുതരമായി പരിക്കേറ്റ വിജയൻ സംഭവസ്ഥലത്തുവെച്ചുതന്നെ മരിച്ചു. ചക്കക്കൊമ്പനെന്ന ആനയാണ് വിജയനെ ആക്രമിച്ചതെന്നാണ് നാട്ടുകാർ പറയുന്നത്.