പന്തളം : കുളനട വായനക്കൂട്ടത്തിന്റെ ആഭിമുഖ്യത്തിൽ സാഹിത്യകാരൻ രവിവർമത്തമ്പുരാന്റെ 50 എഴുത്തുവർഷത്തിന്റെ ഭാഗമായി അക്ഷരം എന്ന പേരിൽ നടത്തുന്ന യുവതലമുറയിലെ 50 എഴുത്തുകാരുടെ സംഗമവും സർഗസംവാദവും സെപ്റ്റംബർ 5-ന് നടക്കും. രാവിലെ 9.30-ന് കുളനട ആരോഗ്യനികേതനിൽ ടി.ഡി.രാമകൃഷ്ണൻ ഉദ്ഘാടനം ചെയ്യും. സാഹിത്യകാരൻ ബെന്യാമിൻ അധ്യക്ഷനാകും.
ഡോ.കെ.എസ്.രവികുമാർ മുഖ്യപ്രഭാഷണം നടത്തും. ജി.ആർ.ഇന്ദുഗോപൻ പുസ്തകപ്രകാശനം നിർവഹിക്കും. 11ന് നിർമിതബുദ്ധിക്കാലത്തെ സർഗസാഹിത്യം എന്ന വിഷയത്തിൽ സർഗസംവാദം. 12.15ന് സമാപനസമ്മേളനം ജസ്റ്റിസ് ജി.ഗിരീഷ് ഉദ്ഘാടനം ചെയ്യും.
