കൊച്ചി : നടിയെ പീഡിപ്പിച്ച കേസിൽ നടനും എംഎൽഎയുമായ മുകേഷിനെ പ്രത്യേക അന്വേഷണസംഘം അറസ്റ്റ് ചെയ്തു. പിന്നാലെ ജാമ്യത്തില് വിട്ടയച്ചു. രാവിലെ പൊലീസിന്റെ ആസ്ഥാന ഓഫിസിൽ എഐജി ജി.പൂങ്കുഴലിയുടെ നേതൃത്വത്തിൽ മൂന്നു മണിക്കൂറിലേറെ ചോദ്യം ചെയ്തതിനുശേഷമാണ് അറസ്റ്റ് രേഖപ്പെടുത്തിയത്.കേസിൽ എറണാകുളം പ്രിൻസിപ്പൽ സെഷൻസ് കോടതി മുകേഷിന് മുൻകൂർ ജാമ്യം നൽകിയിരുന്നു.നടപടിക്രമങ്ങളുടെ ഭാഗമായിയാണ് അറസ്റ്റ് രേഖപ്പെടുത്തിയത്.
അതേസമയം ,മുൻകൂർ ജാമ്യ അപേക്ഷ തള്ളിയതോടെ നടൻ സിദ്ദിഖിനായി പ്രത്യേക അന്വേഷണ സംഘം ലുക്ക് ഔട്ട് നോട്ടിസ് പുറത്തിറക്കി. ഉടൻ അറസ്റ്റ് ചെയ്യാനാണ് പോലീസ് നീക്കം.അറസ്റ്റിന് തടസമില്ലെന്നും നടൻ വിദേശത്തേക്ക് കടക്കാതിരിക്കാനാണ് ലുക്കൗട്ട് സർക്കുലർ ഉൽപ്പെടെയുള്ള നടപടിയിലേക്ക് കടന്നതെന്നും ഉദ്യോഗസ്ഥർ വ്യക്തമാക്കി.
