തിരുവല്ല: എം.ജി.സോമൻ അനുസ്മരണാർത്ഥം തിരുവല്ലയിൽ സംഘടിപ്പിക്കുന്ന 2-ാം മത് അഖില കേരള അമച്വർ നാടകമത്സരത്തിലേക്ക് 45 മിനിറ്റ് ദൈർഘ്യമുള്ള നാടകങ്ങൾ അവതരിപ്പിക്കുന്നതിന് അപേക്ഷ ക്ഷണിക്കുന്നു.
ഒന്നാം സമ്മാനർഹർക്ക് എവർറോളിംഗ് ട്രോഫിയും അമ്പതിനായിരം രൂപയും രണ്ടാംസ്ഥാനക്കാർക്ക് ഇരുപത്തയ്യായിരം രൂപയും സമ്മാനമായി ലഭിക്കുന്നതാണ്. മത്സരത്തിൽ പങ്കെടുക്കുന്ന എല്ലാ നാടക സമിതികൾക്കും കലാകാരന്മാർക്കും പ്രത്യേക ഉപഹാരങ്ങളും സർട്ടിഫിക്കറ്റും നൽകും.
മികച്ച അഭിനേതാവ്, സംവിധായകൻ എന്നിവരെ ചടങ്ങിൽ ആദരിക്കുന്നതും തിരഞ്ഞെടുക്കപ്പെടുന്ന മികച്ച സ്ക്രിപ്റ്റിന് ക്യാഷ് അവാർഡും പ്രത്യേക ഉപഹാരവും നല്കുന്നതാണ്. അവതരിപ്പിക്കാൻ ആഗ്രഹിക്കുന്ന നാടകസമിതികൾ/കോളേജുകൾ കലാകാരന്മാർ ഈ മാസം 30-ാം തീയതിക്ക് മുമ്പായി 2000/- രൂപ അടച്ച് രജിസ്ട്രേഷൻ ചെയ്യേണ്ടതാണ്.
സമ്പൂർണ സ്ക്രിപ്റ്റ് എം.ജി.സോമൻ ഫൗണ്ടേഷൻ, മണ്ണടിപറമ്പിൽ വീട്, തിരുമൂലപുരം പി.ഒ, തിരുവല്ല, പിൻ – 689115 എന്ന മേൽവിലാസത്തിൽ 15.11.2024 ന് മുൻപ് ലഭിക്കത്തക്കവണ്ണം അയക്കേണ്ടതാണ്. കൂടുതൽ വിവരങ്ങൾക്ക് പ്രൊഫ.സി.എ. വർഗീസ് (9447401045), സാജൻ വർഗീസ് (9847535454) എന്നീ നമ്പരുകളിൽ ബന്ധപ്പെടാവുന്നതാണ്.
