തിരുവല്ല: നിരണം ചുണ്ടന് പമ്പയുടെ മടിത്തട്ടിൽ ഇരിപ്പിടമൊരുങ്ങി. ഡോക്കിന്റെ ഉദ്ഘാടനം ഒക്ടോബർ 27 ന് നിരണം ചുണ്ടൻ ജംഗ്ഷൻ (തേവേരിൽ ) ഡോക്ക് യാഡിൽ ഉച്ചയ്ക്ക് 3 മണിക്ക് നടക്കും. കെ.ജി.എ ഗ്രൂപ്പ് ചെയർമാനും നിരണം ചുണ്ടൻ ക്യാപ്റ്റനുമായ കെ.ജി. ഏബ്രഹാം ഉദ്ഘാടനം നിർവ്വഹിക്കും. നിരണം ചുണ്ടൻ വള്ള സമിതി പ്രസിഡന്റ് റെജി അടിവാക്കൽ അധ്യക്ഷത വഹിക്കും. പ്രശസ്ത സംവിധായകൻ ബ്ലെസ്സി, ചാനൽ അവതാരകൻ ആർ ശ്രീകണ്ഠൻ നായർ, മുൻ ചീഫ് സെക്രട്ടറി ജിജി തോംസൺ തുടങ്ങിയവർ പങ്കെടുക്കും.
എൻ ബി സി ( നിരണം ബോട്ട് ക്ലബ് ) സാമ്പത്തിക സമാഹരണത്തിനായി പുറത്തിറക്കിയ സമ്മാന കൂപ്പണിന്റെ നറുക്കെടുപ്പ് വൈകിട്ട് 5 മണിക്ക് കടപ്ര മാൾ ഗ്രാന്റിൽ നടക്കും.
 ഡോക്ക് യാഡിൽ ){kind=link}