ജില്ലാ സ്കൂൾ കലോത്സവം : എം ജി സോമൻ കുടുംബാംഗങ്ങൾ ഏർപ്പെടുത്തിയ എവർറോളിംഗ് ട്രോഫി കൈമാറി

തിരുവല്ല : പത്തനംതിട്ട റവന്യൂ ജില്ലാ സ്കൂൾ കലോത്സവത്തിൽ എം ജി സോമന്റെ സ്മരണാർത്ഥം  ഹൈസ്കൂൾ വിഭാഗം നാടക മത്സരത്തിൽ ഒന്നാം സ്ഥാനം നേടിയ സ്കൂളിന്  കുടുംബാംഗങ്ങൾ ഏർപ്പെടുത്തിയ  എവർറോളിംഗ് ട്രോഫി മകൻ സജി സോമൻ ജില്ലാ വിദ്യാഭ്യാസ ഉപഡയറക്ടർ ബി ആർ അനിലയ്ക്ക് കൈമാറി.  കുടുംബാംഗങ്ങളായ സുജാത സോമൻ, സിന്ധു സോമൻ, ട്രോഫി കമ്മിറ്റി കൺവീനർ സ്മിജു  ജേക്കബ്, ഫൗണ്ടേഷൻ സെക്രട്ടറി എസ് കൈലാസ്, സുരേഷ് കാവുംഭാഗം, അനിത ജി നായർ എന്നിവർ പങ്കെടുത്തു.