പത്തനംതിട്ട : മലയോര മേഖലയായ പത്തനംതിട്ടയെ തീർത്തും അവഗണിച്ച ബജറ്റാണ് ധനമന്ത്രി കേരള നിയമസഭയിലവതരിപ്പിച്ചതെന്നും ബജറ്റ് തീർത്തും നിരാശജനകമാണെന്നും ബിജെപി ജില്ലാ പ്രസിഡന്റ് വി എ സൂരജ് പറഞ്ഞു. കേരളത്തിലെ തന്നെ ഏറ്റവും വലിയ തീർത്ഥാടന കേന്ദ്രമായ ശബരിമലയെയും ചെറുകോൽപ്പുഴ ഹിന്ദുമത കൺവെൻഷനെയും അവഗണിച്ചത് തികച്ചും പ്രതിഷേധാർഹമാണ്.
മലയോര കർഷകർ ഏറ്റവും കൂടുതൽ ഉള്ള ജില്ലയിലെ പരമ്പരാഗത കാർഷിക മേഖലയ്ക്ക് ബജറ്റിൽ പ്രതീക്ഷിക്കാനൊന്നുമില്ല. സാമൂഹികക്ഷേമ പെന്ഷന് വര്ധിപ്പിക്കുമെന്നതടക്കം പ്രതീക്ഷിച്ച പ്രഖ്യാപനങ്ങള് ഒന്നും ഇല്ലാതെ ഭൂനികുതിയടക്കം നിരവധി നികുതികൾ വർദ്ധിപ്പിച്ച ഈ ബജറ്റിലൂടെ ധനമന്ത്രിയും കേരള സർക്കാരും ജനങ്ങളെ വെല്ലുവിളിച്ചിരിക്കുകയാണെന്നും അദ്ദേഹം പറഞ്ഞു.
