ആറന്മുള : ശബരിമല അയ്യപ്പ ക്ഷേത്രത്തിലേക്കും ആറന്മുള പാർഥസാരഥിസാരഥി ക്ഷേത്രത്തിലേക്കും നിറപുത്തരിക്കു ആറന്മുളമണ്ണിൽ കൃഷി ചെയ്ത് നെൽകതിർ സമർപ്പിക്കുന്നതിനായി ആറന്മുള വികസന സമിതിയുടെ നേതൃത്വത്തിൽ വിത്ത് വിതച്ചു.
2023 ൽ തിരുവിതാംകൂർ ദേവസ്വം ബോർഡ് രേഖാമൂലം അനുവാദം നൽകിയതിന് തുടർന്നാണ് വികസന സമിതി നിറപുത്തരിക്കു നെൽകൃഷി ചെയ്യ്തു തുടങ്ങിയത്. പാരമ്പര്യ ശിൽപി ശെൽവരാജ് നിർമിച്ച, അന്യം നിന്നു പോയതും പാരമ്പര്യ തനിമയുള്ളതുമായ ആറന്മുള നിലവിളക്കു കൊളുത്തികൊണ്ടാണ് ചടങ്ങ് തുടങ്ങിയത്. വളരെ പ്രത്യേകതയുള്ള ആറന്മുള നിലവിളക്കു ആദ്യമായിട്ടാണ് ഒരു പൊതു ചടങ്ങിന് ഉപയോഗിക്കുന്നത്.
ആറന്മുള തറയിൽമുക്ക് ജംഗ്ഷന് സമീപം നടന്ന ഈ വർഷത്തെ വിത്ത് വിതക്കൽ ചടങ്ങിൽ പള്ളിയോട സേവാ സംഘം പ്രസിഡന്റ്‌ കെ. വി. സാംബദേവൻ വിത്ത് വിത ഉൽഘാടനം ചെയ്തു. പത്തനംതിട്ട ജില്ലാ പഞ്ചായത്ത് പ്രസിഡന്റ്‌ ജോർജ് എബ്രഹാം അധ്യക്ഷത വഹിച്ചു.
