കൊച്ചി : റോഡിലേയ്‌ക്ക് വീണ വൈദ്യുതി തൂണിലിടിച്ച് ബൈക്ക് യാത്രക്കാരൻ മരിച്ചു. പിന്നാലെ ബൈക്കിലെത്തിയ മറ്റൊരാൾക്ക് ഗുരുതര പരിക്ക് .കുമ്പളം നോർത്ത് പള്ളിയിലെ ഉസ്താദ് അബ്ദ്ദൾ ഗഫൂറാണ് മരിച്ചത്. പിന്നാലെ ബൈക്കിലെത്തിയ നെട്ടൂര്‍ കല്ലാത്ത് ശ്രീകൃഷ്ണസ്വാമി ക്ഷേത്രത്തിലെ മേല്‍ശാന്തി സുരേഷിനാണ് ഗുരുതരമായി പരിക്കേറ്റിട്ടുള്ളത്.
കുമ്പളം സെയ്ന്റ്‌മേരീസ് പള്ളിക്കു സമീപം ശനിയാഴ്ച്ച പുലര്‍ച്ചെ 4.30 ഓടെയായിരുന്നു അപകടം. രാത്രിയാണ് പോസ്റ്റ് ഒടിഞ്ഞു വീണത്. അടുത്തുള്ള വീട്ടിലേയ്‌ക്ക് വൈദ്യുതി എത്തിക്കാനായി രണ്ടാഴ്ച മുൻപ് സ്ഥാപിച്ച പോസ്റ്റാണ് മഴയെ തുടർന്ന് മറിഞ്ഞു വീണത്.
