കൊച്ചി : വടുതലയിൽ ദമ്പതികളെ തീകൊളുത്തി അയല്‍വാസിയായ യുവാവ് ആത്മഹത്യ ചെയ്തു.വടുതല ഫ്രീഡം നഗര്‍ സ്വദേശികളായ ക്രിസ്റ്റഫറും ഭാര്യ മേരിയെയുമാണ് അയൽവാസിയായ വില്യം എന്നയാൾ സ്കൂട്ടര്‍ തടഞ്ഞു നിര്‍ത്തി ആക്രമിച്ചത്. തുടർന്ന് സ്വന്തം വീട്ടിൽ കയറി വില്യം ജീവനൊടുക്കി .
വ്യക്തി വൈരാഗ്യത്തെ തുടര്‍ന്നാണ് ഇന്നലെ രാത്രി 8 മണിയോടെ പള്ളിയില്‍ നിന്ന് മടങ്ങിയ ഇരുവരെയും യുവാവ് പെട്രോള്‍ ഒഴിച്ച് തീ കൊളുത്തിയത്.50 ശതമാനത്തിലധികം പൊള്ളലേറ്റ ദമ്പതികളുടെ നില അതീവ ഗുരുതരമാണ് .
