പത്തനംതിട്ട: കോന്നി മെഡിക്കൽ കോളേജിൽ തീപിടുത്തം. മെഡിക്കൽ വിദ്യാർഥികളുടെ സമയോചിത ഇടപെടൽ മൂലം ഒഴിവായത് വൻ ദുരന്തം. മെഡിക്കൽ കോളജിലെ ജനറേറ്റർ മുറിയിൽ നിന്ന് പുറത്തേക്ക് ഇന്ന് 2.30 ന് ആണ് തീ പടർന്നത്. ഇതിനെ തുടർന്ന് രണ്ടാം നിലയിലെ പീഡിയാട്രിക് വാർഡിൽ പുക ഉയർന്നു. മറ്റു വാർഡുകളിലും ഉണ്ടായിരുന്ന രോഗികളും കൂട്ടിരിപ്പുകാരും ജീവനക്കാരും പരിഭ്രാന്തരായി.
വിദ്യാർഥികളും സുരക്ഷാ ജീവനക്കാരും ചേർന്ന് എല്ലാവരെയും ഉടൻ തന്നെ പുറത്തെത്തിച്ചു. മെഡിക്കൽ കോളജ് ഫിസിക്കൽ മെയിൻ്റനൻസ് വിഭാഗവും തീ അണയ്ക്കുന്നതിന് നേതൃത്വം നൽകി. കോന്നി, പത്തനംതിട്ട എന്നിവിടങ്ങളിൽ നിന്ന് ഫയർ ഫോഴ്സ് യൂണിറ്റുകളും എത്തിയിരുന്നു. മെഡിക്കൽ കോളജിൽ സുരക്ഷാ വീഴ്ച ഉണ്ടെന്ന് എസ്ഡിപിഐ ആരോപിച്ചു
