Sunday, November 22, 2026
No menu items!

subscribe-youtube-channel

HomeNewsവയോജനങ്ങൾക്കായി സംസ്ഥാനത്തെ...

വയോജനങ്ങൾക്കായി സംസ്ഥാനത്തെ എല്ലാ ജില്ലകളിലും ‘സായംപ്രഭാ സേന’: മന്ത്രി ആർ. ബിന്ദു

തിരുവനന്തപുരം : സംസ്ഥാനത്തെ മുതിർന്ന പൗരന്മാരെ സംരക്ഷിക്കുന്നതിനും പുനരധിവസിപ്പിക്കുന്നതിനും ശാക്തീകരിക്കുന്നതിനും എല്ലാ ജില്ലകളിലും ‘സായംപ്രഭാ സേന’ എന്ന പേരിൽ ദ്രുതകർമ്മസേന (Rapid Response Team) രൂപീകരിച്ചതായി ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ആർ. ബിന്ദു. സെക്രട്ടേറിയറ്റ് പി.ആർ ചേംബറിൽ നടന്ന വാർത്താസമ്മേളത്തിൽ സംസാരിക്കുകയായിരുന്നു മന്ത്രി.

വയോജനങ്ങളുടെ സുരക്ഷ, ക്ഷേമം, സമൂഹത്തിലേക്കുള്ള പുനഃസംയോജനം എന്നിവ ഉറപ്പാക്കുന്നതിനായാണ് പദ്ധതി രൂപീകരിച്ചിരിക്കുന്നത്. ‘സായംപ്രഭാ സേന’യെ കർമ്മരംഗത്തിറക്കുന്നതിന് തുടക്കം കുറിച്ചുകൊണ്ട് വിവിധ ജില്ലകളിൽ ഈ കർമ്മസേനയ്ക്ക് നേതൃത്വം വഹിക്കാൻ പോകുന്നവർക്കുള്ള പരിശീലന പരിപാടിയും സായംപ്രഭ ഹോമുകളിലേയും വൃദ്ധസദനങ്ങളിലെയും വയോജനപ്രതിഭകൾ പങ്കെടുക്കുന്ന ‘സായംപ്രഭാ ഫെസ്റ്റ് 2026’ എന്ന പേരിൽ വയോജന സാംസ്‌കാരികോത്സവവും സംഘടിപ്പിക്കുന്നു. ഫെബ്രുവരി 18, 19 തീയതികളിലായാണ് സായംപ്രഭാ സേന പരിശീലന പരിപാടിയും സായംപ്രഭാ ഫെസ്റ്റും നടത്തുന്നതെന്ന് മന്ത്രി പറഞ്ഞു.

രളത്തിൽ വയോജന ക്ഷേമ മേഖല കൂടുതൽ കരുതലോടെയും ഊർജ്ജസ്വലതയോടെയും മുന്നോട്ട് കൊണ്ടുപോകാൻ സാമൂഹ്യനീതി വകുപ്പ് വിവിധ പദ്ധതികൾ നടപ്പിലാക്കി വരുന്നുണ്ട് .വിദേശത്തേക്ക് പോകുന്ന യുവാക്കളുടെ വർധനവിനെ തുടർന്ന് ഒറ്റപ്പെട്ട വയോജനങ്ങളുടെ പ്രശ്‌നങ്ങൾ പരിഗണിച്ച്, അവർക്കു മാനസിക പിന്തുണ നൽകുന്ന ‘സല്ലാപം’ പദ്ധതി ആരംഭിച്ചു. കൂടാതെ, ആരും സംരക്ഷിക്കാനില്ലാത്ത കിടപ്പുരോഗികളായ വയോജനങ്ങളെ പരിപാലിക്കുന്ന എൻജിഒകൾക്ക് സഹായം നൽകുന്ന ‘വയോസാന്ത്വനം’ പദ്ധതി രണ്ട് ജില്ലകളിൽ നടപ്പിലാക്കി. സർക്കാർ വൃദ്ധസദനങ്ങളിലെ സേവനങ്ങൾ മെച്ചപ്പെടുത്തുന്നതിനായി ‘സെക്കൻഡ് ഇന്നിംഗ്സ് ഹോം’ പദ്ധതി സംസ്ഥാനത്തെ എല്ലാ സർക്കാർ വൃദ്ധസദനങ്ങളിലേക്കും വ്യാപിപ്പിച്ചു.

സംസ്ഥാനത്ത് പ്രവർത്തിക്കുന്ന പകൽവീടുകളുടെ സേവനങ്ങൾ മെച്ചപ്പെടുത്തുന്നതിന്റെ ഭാഗമായി 15 പകൽവീടുകൾ മാതൃകാ സായംപ്രഭാ ഹോമുകളായി ഉയർത്തി. പോഷകാഹാരം, വിനോദ-പ്രവർത്തനങ്ങൾ, സ്വയംതൊഴിൽ പരിശീലനം, ആരോഗ്യപരിപാലനം എന്നിവ ഉൾപ്പെടുത്തി, ഫെസിലിറ്റേറ്റർ, കുക്ക്, ഫിസിയോതെറാപ്പിസ്റ്റ് തുടങ്ങിയ ജീവനക്കാരെയും നിയമികച്ചതായും മന്ത്രി പറഞ്ഞു.

 

- Advertisment -

RELATED ARTICLES
Advertisment

Desham News

- Advertisement -

വൈദ്യുതി നിരക്ക് : മേയിലെ ബില്ലിൽ 10 പൈസ സർചാര്‍ജ് വർധിപ്പിച്ചു

തിരുവനന്തപുരം : വൈദ്യുതി ബില്ലിൽ യൂണിറ്റിന് 10 പൈസ നിരക്കിൽ സർചാര്‍ജ് വർധിപ്പിച്ചു.നിലവിൽ 9 പൈസ സർചാർജായി ഉപഭോക്താക്കളിൽ നിന്ന് ഈടാക്കുന്നുണ്ട്. പിന്നാലെയാണ് ഈ മാസം 10 പൈസയുടെ വർദ്ധന. ഇതോടെ സര്‍ചാര്‍ജ്...

സംസ്ഥാനത്ത് കനത്ത മഴ : എട്ട് ജില്ലകളിൽ ഓറഞ്ച് അലേർട്ട്

പത്തനംതിട്ട : സംസ്ഥാനത്ത് കനത്ത മഴ. എട്ട് ജില്ലകൾക്ക് ഓറഞ്ച് അലർട്ട് നൽകിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ ജില്ലകൾക്കാണ് മുന്നറിയിപ്പ്.പാലക്കാട്, മലപ്പുറം, കോഴിക്കോട് ജില്ലകൾക്ക് യെല്ലോ...
- Advertisment -

Most Popular

- Advertisement -