കോഴിക്കോട് :പന്തീരാങ്കാവ് ഗാർഹിക പീഡന കേസ് ഫറോഖ് എസിപി സാജു കെ എബ്രഹാമിന്റെ നേതൃത്വത്തിലുള്ള പുതിയ സംഘം അന്വേഷിക്കും. പന്തീരാങ്കാവ് പൊലീസിനെതിരെ പരാതിക്കാരിയുടെ കുടുംബം രംഗത്ത് വന്നിരുന്നു. ഇതോടെയാണ് കേസ് കൈമാറാൻ തീരുമാനിച്ചത്. കേസിലെ പ്രതി രാഹുല് ഒളിവില് പോയ സാഹചര്യത്തില് ഇയാളെ കണ്ടെത്താനായി ലുക്കൗട്ട് നോട്ടിസ് ഇറക്കും.
രാഹുല് രണ്ട് മൊബൈല് ഫോണുകളും സ്വിച്ച് ഓഫ് ചെയ്തിരിക്കുകയാണ്. ഇയാള് വിദേശത്തേക്ക് കടക്കാനുള്ള സാധ്യത കണ്ടാണ് പോലിസ് ലുക്കൗട്ട് നോട്ടിസ് ഇറക്കുന്നത്.പരാതിക്കാരിയുടെ മൊഴി ഇന്ന് രേഖപ്പെടുത്തും.
