തിരുവനന്തപുരം: കളമശ്ശേരി യാർഡിൽ 17-ന് അടിയന്തിര അറ്റകുറ്റപ്പണി നടക്കുന്നതിനാൽ തീവണ്ടികൾ വൈകിയോടും. ഗുരുവായൂർ- തിരുവനന്തപുരം ഇന്റർസിറ്റി എക്സ്പ്രസ് ഗുരുവായൂരിൽനിന്ന് ഒരുമണിക്കൂർ വൈകി പുലർച്ചെ 4.25-ന് പുറപ്പെടും.
തിരുവനന്തപുരം സെൻട്രൽ- തിരുച്ചിറപ്പള്ളി ഇന്റർസിറ്റി തിരുവനന്തപുരത്തു നിന്ന് 85 മിനിറ്റ് വൈകി ഉച്ചയ്ക്ക് ഒന്നിന് യാത്രതിരിക്കും.
ഗുരുവായൂർ – ചെന്നൈ എഗ്മാർ (16128) 27 മുതൽ ജൂൺ മൂന്നുവരെയും, തിരുവനന്തപുരം നോർത്ത്- മംഗലാപുരം അന്ത്യദയ എക്സ്പ്രസ്(16355) 28-നും 30-നും, മംഗലാപുരം സെൻട്രൽ- തിരുവനന്തപുരം മാവേലി (16608) 29-നും, എം.ജി.ആർ. ചെന്നൈ സെൻട്രൽ തിരുവനന്തപുരം സെൻട്രൽ (22207) 29 -നും കോട്ടയം വഴി തിരിച്ചുവിടും.
