തിരുവനന്തപുരം: പതിനാറാം കേരള നിയമസഭയില് സ്പീക്കർ തെരഞ്ഞെടുപ്പ് ഇന്ന് രാവിലെ ഒമ്പത് മണിയോടെ ആരംഭിച്ചു. ഭരണപക്ഷ നിരയില് വലിയ അംഗബലം ഉള്ളതിനാല് യുഡിഎഫ് സ്ഥാനാർത്ഥി തിരുവഞ്ചൂർ രാധാകൃഷ്ണൻ സ്പീക്കറായി തെരഞ്ഞെടുക്കപ്പെട്ടേക്കും.
എസി മൊയ്തിനാണ് എല്ഡിഎഫിന്റെ സ്പീക്കർ സ്ഥാനാർത്ഥി. ബി ബി ഗോപകുമാറാണ് ബിജെപിയുടെ സ്ഥാനാർത്ഥി. ചരിത്രത്തില് ഇതാദ്യമായാണ് കേരള നിയമസഭയില് സ്പീക്കർ തെരഞ്ഞെടുപ്പില് ബിജെപി മത്സരിക്കുന്നത്. ഇരിപ്പിടം അനുസരിച്ചുള്ള വോട്ടെടുപ്പില് ആദ്യം വോട്ട് ചെയ്യുക മുഖ്യമന്ത്രി വി ഡി സതീശനാകും.
ഫലം പ്രഖ്യാപിച്ച് കഴിഞ്ഞാല് സ്പീക്കറെ മുഖ്യമന്ത്രിയും പ്രതിപക്ഷ നേതാവും ചേര്ന്ന് ഇരിപ്പടത്തിലേക്ക് ആനയിക്കും. 23 മുതല് 28 വരെ സഭ ചേരില്ല. 29ന് ഗവർണറുടെ നയപ്രഖ്യാപന പ്രസംഗം. ജൂണ് ഒന്നിനാണ് ഡെപ്യൂട്ടി സ്പീക്കർ തെരഞ്ഞെടുപ്പ്.
