അറ്റ്ലാന്റ : ലോകകപ്പിന്റെ രണ്ടാം സെമിയിൽ ഇംഗ്ലണ്ടിനെ തോല്പിച്ച് അർജന്റീന ഫൈനലിൽ. തുടർച്ചയായി രണ്ടാം തവണയാണ് അർജന്റീന ലോകകപ്പിന്റെ ഫൈനലിൽ എത്തുന്നത്.85 മിനിറ്റ് വരെ ഒരു ഗോളിന് പുറകിൽ നിന്ന് ശേഷമാണ് രണ്ട് ഗോളുകൾ തിരിച്ചടിച്ച് അർജന്റീന ഫൈനലിൽ എത്തിയത്.
മത്സരത്തിന്റെ ആദ്യ പകുതി ഗോൾ രഹിതമായിരുന്നു.രണ്ടാം പകുതി തുടങ്ങി പത്ത് മിനിറ്റിനുള്ളിൽ ആന്റണി ഗോർഡനിലൂടെ ഇംഗ്ലണ്ട് ലീഡ് നേടി. 85 ാം മിനിറ്റിൽ എൻസോ ഫെർണാണ്ടസും പിന്നാലെ ലൗതാരോ മാർട്ടിനസും അർജന്റീനയ്ക്കായി വിജയഗോൾ നേടി .ഫൈനലിൽ അർജന്റീന മുൻ ലോകചാംപ്യന്മാരായ സ്പെയിനിനെ നേരിടും.
