ആലപ്പുഴ: കേരള ഖാദി ഗ്രാമവ്യവസായ ബോർഡിന്റെ ആഭിമുഖ്യത്തിൽ 2026 ലെ ഖാദി ഓണം റിബേറ്റ് മേള ജൂലൈ 23 മുതൽ ആഗസ്റ്റ് 25 വരെ നടക്കും. മേളയുടെ ജില്ലാതല ഉദ്ഘാടനം ജൂലൈ 26 ന് രാവിലെ 11 മണിക്ക് ആഭ്യന്തര, വിജിലൻസ് വകുപ്പ് മന്ത്രി രമേശ് ചെന്നിത്തല ജില്ലാ ഖാദി ഗ്രാമ വ്യവസായ ഓഫീസ് അങ്കണത്തിൽ നിർവഹിക്കും. ജി. സുധാകരന്റെ എം എൽ എ അധ്യക്ഷനാകും . എ.ഡി.തോമസ് എംഎൽഎ മുഖ്യപ്രഭാഷണം നടത്തും.
മേളയിൽ ഖാദി തുണിത്തരങ്ങൾക്ക് 30 ശതമാനം വരെ റിബേറ്റ് നൽകുന്നു. സർക്കാർ , അർദ്ധസർക്കാർ, ബാങ്ക്, പൊതുമേഖലാ സ്ഥാപനങ്ങൾ എന്നിവിടങ്ങളിലെ ജീവനക്കാർക്ക് ഒരു ലക്ഷം രൂപ വരെ ക്രെഡിറ്റ് സൗകര്യം ലഭ്യമാണ്. ഓരോ 1000 രൂപയുടെ ഗ്രോസ് പർച്ചേസിനും ഒരു സമ്മാനക്കൂപ്പൺ ലഭിക്കും.
സംസ്ഥാനതല മെഗാ നറുക്കെടുപ്പിന്റെ ഭാഗമായി ഒന്നാം സമ്മാനം ഒരാൾക്ക് ടാറ്റാ ടിയാഗോ കാറും രണ്ടാം സമ്മാനമായി 14 ജില്ലയിലും ഓരോ സ്കൂട്ടറും സുസൂക്കി ആക്സസ് 125 ) മൂന്നാം സമ്മാനമായി 30 പേർക്ക് 5000/- രൂപയുടെ ഖാദി ഗിഫ്റ്റ് വൗച്ചറും ലഭിക്കുന്നതാണ്. കൂടാതെ ആഴ്ച തോറും നടക്കുന്ന ജില്ലാതല നറുക്കെടുപ്പിലൂടെ 3000/- രൂപയുടെ ഖാദി ഗിഫ്റ്റ് വൗച്ചറുകളും സമ്മാനമായി നൽകും.
