തിരുവല്ല : എം സി റോഡിലെ കുറ്റൂരിൽ മഹാരാഷ്ട പാൽ ടാങ്കർ ലോറിയും തമിഴ്നാട്ടിൽ നിന്നു കോട്ടയം മാർക്കറ്റിലേക്ക് വാഴകുലയുമായി പോയ വാഹനവും കൂട്ടിയിടിച്ച് ലോറി ഡ്രൈവർ മരിച്ചു. തമിഴ്നാട് തെങ്കാശി സ്വദേശി അർജുൻ (22) ആണ് മരിച്ചത്. ഇന്ന് പുലർച്ചെ 3-ന് കുറ്റൂർ ഐ ഒ ബി ബാങ്കിനു സമീപം ആയിരുന്നു അപകടം.
അപകടത്തെ തുടർന്ന് ഒന്നര മണിക്കൂർ നേരത്തെ പരിശ്രമത്തിനൊടുവിൽ ലോറി വെട്ടിപൊളിച്ചാണ് ഡ്രൈവറെ പുറത്തെടുത്തത്. പാൽ ടാങ്കറിലെ പരിക്കേറ്റ ഡ്രൈവറെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു. തിരുവല്ല പോലീസും ഫയർഫോഴ്സും എത്തി വേണ്ട ക്രമീകരണം ഏർപ്പെടുത്തി.
