പത്തനംതിട്ട: ശബരിമല തീർത്ഥാടന പാതയിലെ നിലയ്ക്കലിൽ പുലിയുടെ സാന്നിധ്യം. നിലയ്ക്കലിലെ പെട്രോൾ പമ്പിൽ എത്തിയ പുലി പമ്പിലെ തറയിൽ വിശ്രമിക്കുന്ന ദൃശ്യമാണ് സി സി ടിവിയിൽ പതിഞ്ഞത്. കഴിഞ്ഞ ദിവസം രാത്രിയിലാണ് ഇവിടെ പുലി എത്തിയത്.
ശബരിമല വന മേഖലയോട് ചേർന്ന പ്രദേശമാണ് ഇവിടം. ഇതിന് സമീപം ആണ് നിലയ്ക്കൽ മഹാദേവർ ക്ഷേത്രവും അട്ടത്തോട് ഗവ ട്രൈബൽ സ്കൂളും സ്ഥിതി ചെയ്യുന്നത്. പുലിയുടെ സാന്നിധ്യം പ്രദേശവാസികളിൽ ഭയമുളവാക്കിയിട്ടുണ്ട്. ശബരിമലതീർഥാടന, മാസ പൂജ സമയങ്ങളിൽ നൂറു കണക്കിന് ഭക്തരാണ് ഇതു വഴി കടന്ന് പോകുന്നത്.
