ചെങ്ങന്നൂര്‍: സബ് ആര്‍.ടി ഓഫീസില്‍ രജിസ്റ്റര്‍ ചെയ്തിട്ടുള്ളതും നികുതി ഒടുക്കാതെ റവന്യൂ റിക്കവറി സ്വീകരിച്ചിട്ടുള്ളതുമായ എല്ലാ വിഭാഗം വാഹനങ്ങളുടെയും നികുതി കുടിശ്ശികയില്‍ തീര്‍പ്പുകല്‍പ്പിക്കുന്നതിന് റവന്യൂ അധികൃതരുടെ സാന്നിധ്യത്തില്‍ മാര്‍ച്ച് 26 ന് രാവിലെ 10 മുതല്‍ 4 മണി വരെ ചെങ്ങന്നൂര്‍ സബ് ആര്‍.ടി. ഓഫീസില്‍ അദാലത്ത് നടത്തും.
സര്‍ക്കാരിന്റെ ഒറ്റത്തവണ തീര്‍പ്പാക്കല്‍ പദ്ധതിയില്‍ ഉള്‍പ്പെട്ട് വാഹന നികുതിയില്‍ ഗണ്യമായ ഇളവ് നേടാന്‍ ഈ അവസരം പ്രയോജനപ്പെടുത്തണമെന്ന് ജെ ആര്‍ ടി ഒ അറിയിച്ചു. അദാലത്തില്‍ പങ്കെടുക്കുന്ന വാഹന ഉടമകള്‍ 200 രൂപ മുദ്രപ്പത്രത്തില്‍ നിര്‍ദ്ദിഷ്ട മാതൃകയിലുള്ള സത്യവാങ്മൂലം സമര്‍പ്പിക്കണം.
ഇതിലൂടെ വാഹന ഉടമകള്‍ക്ക് ഭാവിയില്‍ ഉണ്ടാകുന്ന നികുതി ബാധ്യതയില്‍ നിന്നും റവന്യൂ റിക്കവറി നടപടികളില്‍ നിന്നും രക്ഷനേടാവുന്നതാണ്. ഒറ്റത്തവണ തീര്‍പ്പാക്കല്‍ പദ്ധതിയുടെ സമയ പരിധി മാര്‍ച്ച് 31 ന് അവസാനിക്കും.
