വാട്സാപ്പിൽ അപ്രതീക്ഷിത നിയന്ത്രണം;നിരവധി ഉപയോക്താക്കളുടെ അക്കൗണ്ടുകള്‍ 24 മണിക്കൂര്‍ പരിശോധനയില്‍

ന്യൂഡൽഹി : ഇന്ത്യ ഉൾപ്പെടെയുള്ള വിവിധ രാജ്യങ്ങളിലെ നിരവധി വാട്‌സാപ് അക്കൗണ്ടുകളിൽ അപ്രതീക്ഷിത നിയന്ത്രണം.യാതൊരു മുന്നറിയിപ്പുമില്ലാതെ നിരവധി യൂസർമാരുടെ അക്കൗണ്ടുകൾ വാട്സാപ്പ് ബ്ലോക്ക് ചെയ്യുന്നതായാണ് പരാതികൾ.തിങ്കളാഴ്ച രാത്രി എട്ട് മണിയോടെയാണ് ഉപയോക്താക്കളുടെ വാട്സ്ആപ്പ് അക്കൗണ്ടുകള്‍ 24 മണിക്കൂര്‍ വരെ പരിശോധനയ്‌ക്കായി താത്കാലികമായി നിയന്ത്രണവിധേയമാക്കിയതായി സന്ദേശം ലഭിച്ചത് .വ്യാജ അക്കൗണ്ടുകളും ദുരുപയോഗങ്ങളും തടയാൻ നിരന്തരം ശ്രമിക്കാറുണ്ടെന്നും അതിന്റെ ഭാഗമായാണ് അക്കൗണ്ടുകൾ നിരോധിക്കുന്നതെന്നും കമ്പനി അറിയിച്ചു.