ചങ്ങനാശേരി: രാത്രികാലങ്ങളില്, ബൈപാസ് റോഡ്, എ.സി.റോഡ്, എം.സി. റോഡ് മാര്ക്കറ്റ് റോഡ് എന്നീവിടങ്ങളിലെ ഭാരവാഹനങ്ങളുടെ പാര്ക്കിംഗിനെതിരെ ശക്തമായ നടപടി വേണമെന്ന് സിറ്റിസണ് സോഷ്യല് സര്വ്വീസ് സൊസൈറ്റി ആവശ്യപ്പെട്ടു. ഇത്തരം പാര്ക്കിംഗിന്റെ ബലിയാടുകളാകുന്നത് ഒന്നും അറിയാതെ വാഹനം ഓടിച്ചു വരുന്ന വാഹനയാത്രക്കാരാണ്. പാര്ക്ക് ചെയ്യുന്ന ഭാരവാഹനങ്ങളില് പാര്ക്കിംഗ് ലൈറ്റുകള്പോലും തെളിക്കാതെയാണ് റോഡ് സൈഡില് പാര്ക്ക് ചെയ്യുന്നത്. രാത്രി പെട്രോളിംഗ് നടത്തുന്ന പോലീസ് ഇത്തരം വാഹനങ്ങള് കണ്ടാല് കണ്ണടച്ച് പോകുകയാണ് പതിവ്.
അനധികൃതമായി ഭാരവാഹനങ്ങള് പാര്ക്ക് ചെയ്യുന്ന ഡ്രൈവര്മാരുടെ ലൈസന്സ് ആറ് മാസത്തേക്ക് എങ്കിലും റദ്ദാക്കണമെന്ന് യോഗം ആവശ്യപ്പെട്ടു. യോഗത്തില് പ്രസിഡന്റ് ജോസുകുട്ടി നെടുമുടി അദ്ധ്യക്ഷത വഹിച്ചു. ഡോ. റൂബിള് രാജ്, അഡ്വ. വിമല്ചന്ദ്രന്, റൗഫ് റഹിം, സിബി മുക്കാടന്, ഡോ. ബിജു മാത്യു, അഡ്വ. തോമസ് ആന്റണി, പി.എസ്. ശശിധരന്, മാത്യു ജോസഫ്, റോയി മാത്യു എന്നിവര് പ്രസംഗിച്ചു.
