ശബരിമല : ശബരിമല സന്നിധാനത്തെ വെടിവഴിപാട് ലേലത്തിൽ നിന്ന് ഒഴിവാക്കി ദേവസ്വം ബോർഡ്.ശബരിമല പെരിയാർ കടുവാ സങ്കേതത്തിനുള്ളിലായതിനാൽ സ്ഥിരമായി ഉണ്ടാകുന്ന വെടിയൊച്ച വന്യമൃഗങ്ങൾക്ക് ശല്യമാകുമെന്ന വനം വകുപ്പിന്റെ എതിർപ്പാണ് തീരുമാനത്തിന് പിന്നിൽ.
500 കിലോ വെടിമരുന്ന് സൂക്ഷിക്കുന്നതിനുള്ള ചെന്നൈ എക്സ്പ്ലോസീവ് കൺട്രോളറുടെ അനുമതിയാണ് ദേവസ്വം ബോർഡിനുള്ളത്.ജില്ലാ കലക്ടറുടെ ലൈസൻസിനും കാലാവധിയുണ്ട്.തീർത്ഥാടകർ എത്താത്ത പ്രദേശത്താണ് വെടിമരുന്ന് സൂക്ഷിക്കുന്ന കെട്ടിടം സ്ഥിതിചെയ്യുന്നത്.അഗ്നിരക്ഷാസേന, പൊലീസ് എന്നിവർ പരിശോധന നടത്തി സുരക്ഷയും ഉറപ്പാക്കിയിട്ടുണ്ട്.
