ബാഗ്ദാദ് : ഇറാഖിലെ അവസാന സൈനിക താവളങ്ങളും ഒഴിഞ്ഞ് അമേരിക്കൻ സേന.രണ്ട് പതിറ്റാണ്ടിലധികം നീണ്ട ഇറാഖിലെ അമേരിക്കൻ സൈനിക സാന്നിധ്യത്തിനാണ് അവസാനമാകുന്നത് .സദ്ദാം ഹുസൈൻ ഭരണകൂടത്തെ അട്ടിമറിക്കാൻ 2003 ലാണ് യുഎസ് സഖ്യസേന ഇറാഖ് ആക്രമിച്ചത്.
2011 അവസാനത്തോടെ പിൻവാങ്ങിയെങ്കിലും 2014-നും 2017-നും ഇടയിലുണ്ടായ പ്രധാന യുദ്ധത്തിൽ ഇസ്ലാമിക് സ്റ്റേറ്റിനെ പരാജയപ്പെടുത്താൻ ഇറാഖി സേനയെ സഹായിക്കുന്നതിനായി യുഎസ് തിരിച്ചെത്തി. യുഎസ് സേനയുടെ പൂർണ പിന്മാറ്റത്തോടെ ഇറാഖിൽ ഇറാന് തന്ത്രപരമായ മേൽക്കൈ ലഭിക്കും.എന്നാൽ ഈ പിന്മാറ്റം ഇസ്ലാമിക് സ്റ്റേറ്റിന് വീണ്ടും സംഘടിക്കാൻ അവസരമൊരുക്കുമെന്ന് ചില ഇറാഖി സുരക്ഷാ ഉദ്യോഗസ്ഥർ ഭയപ്പെടുന്നു.
