തിരുവല്ല : തിരുവല്ലയിലെ ജനങ്ങളുടെയും കായികപ്രേമികളുടെയും ദീർഘകാല സ്വപ്നമായ പബ്ലിക് സ്റ്റേഡിയത്തിന്റെ വികസന പ്രവർത്തനങ്ങൾക്ക് വേഗതയേകാൻ കായിക വകുപ്പ് മന്ത്രി അഡ്വ. ഒ.ജെ. ജനീഷ് നവംബർ 4-ന് (ബുധൻ) സ്റ്റേഡിയം സന്ദർശിക്കുന്നു. ഉച്ചയ്ക്ക് 2 മണിക്കാണ് മന്ത്രിയുടെ സന്ദർശനം നിശ്ചയിച്ചിരിക്കുന്നത്.
തിരുവല്ലയുടെ കായിക രംഗത്തിന് പുത്തൻ ഉണർവേകുന്ന സ്റ്റേഡിയം വികസനത്തിനായി കഴിഞ്ഞ കേരള ബജറ്റിൽ ആദ്യഘട്ടമായി അഞ്ച് കോടി രൂപ അനുവദിച്ചിട്ടുണ്ട്. ഈ തുകയ്ക്ക് പുറമെ മറ്റ് ഫണ്ടുകൾ കൂടി സംയോജിപ്പിച്ച് നിർമ്മാണ പ്രവർത്തനങ്ങൾ വേഗത്തിൽ ആരംഭിക്കാനാണ് ലക്ഷ്യമിടുന്നതെന്ന് തിരുവല്ല എം.എൽ.എ. അഡ്വ. വർഗീസ് മാമ്മൻ അറിയിച്ചു.
