കോഴിക്കോട് പതിനാലുകാരന് നിപ്പയെന്ന് സംശയം

കോഴിക്കോട് : കോഴിക്കോട് നിപ രോഗ ലക്ഷണങ്ങളോടെ 14കാരൻ സ്വകാര്യ ആശുപത്രിയിൽ ചികിത്സയിൽ. മലപ്പുറം പെരിന്തൽമണ്ണ സ്വദേശിയായ വിദ്യാർഥിയാണ് ചികിത്സയിലുള്ളത്. നിപ വൈറസ് ബാധയുടെ ലക്ഷണം കണ്ടതിനെ തുടർന്ന് ഇന്നലെ പെരിന്തൽമണ്ണയിലെ സ്വകാര്യ ആശുപത്രിയിൽ നിന്ന് കോഴിക്കോട്ടേക്ക് മാറ്റുകയായിരുന്നു. കുട്ടിയുടെ സ്രവ സാംപിൾ പുണെ വൈറോളജി ലാബിലേക്ക് അയക്കും. നിലവിൽ കുട്ടിയുടെ ആരോഗ്യനില ഗുരുതരമല്ല.