റാന്നി: തോട്ടമൺകാവ് ദേവീക്ഷേത്ര സന്നിധിയിൽ അംബായാഗം 2026-ന്റെ ഭാഗമായി നടന്നുവരുന്ന 21 ദിവസത്തെ നാരായണീയ പാരായണയജ്ഞത്തിന്റെ പതിനൊന്നാം ദിവസത്തെ പാരായണം നടന്നു. കെ.വി.എൻ.എസ്. റാന്നി താലൂക്ക് യൂണിറ്റ് പ്രസിഡന്റ് എം. കെ. അശോക് കുമാർ ഉദ്ഘാടനം ചെയ്തു.
ദേവസ്വം പ്രസിഡന്റ് അഡ്വ. ഷൈൻ ജി. കുറുപ്പ് അധ്യക്ഷത വഹിച്ചു.
ആചാര്യ വിജയലക്ഷ്മി, പി. എസ്. ആനന്ദമ്മ, ദേവസ്വം സെക്രട്ടറി പി. ശ്രീകുമാർ, സി. എൻ. പ്രസാദ് തുടങ്ങിയവർ പ്രസംഗിച്ചു.ശ്രീ രക്തകണ്ഠ ദുർഗ്ഗ നാരായണീയ പാരായണ സമിതി, ഓമല്ലൂർ, ശ്രീഹരി നാരായണീയ പാരായണ സമിതി, വടശ്ശേരിക്കര എന്നീ സമിതികളാണ് പതിനൊന്നാം ദിവസത്തെ നാരായണീയ പാരായണം സമർപ്പിച്ചത്.
അംബായാഗത്തിന്റെ ആത്മീയ മുന്നൊരുക്കങ്ങളുടെ ഭാഗമായി സംഘടിപ്പിക്കുന്ന പാരായണയജ്ഞത്തിൽ ഭക്തജനങ്ങളുടെ സജീവ പങ്കാളിത്തം തുടരുകയാണ്.
