പത്തനംതിട്ട : വസ്‌ത്രവ്യാപാര ശാലയിൽ സാമൂഹിക വിരുദ്ധരുടെ അതിക്രമം. വസ്ത്രശാല മറ്റൊരു താഴ് ഇട്ട് പൂട്ടിയാണ് അതിക്രമം നടന്നത്. ഇന്ന് രാവിലെ തുറക്കാൻ എത്തിയപ്പോഴാണ് മറ്റാരോ വേറെ താഴ് ഉപയോഗിച്ച് പൂട്ടിയത് ഉടമയുടെ ശ്രദ്ധയിൽ പെട്ടത്. കണ്ണങ്കരയിലെ എ.കെ. വെഡിംഗ്സ് എന്ന വസ്‌ത്രവ്യാപാര ശാലയിലാണ് സംഭവം.
പൊലീസിലും വ്യാപാര സംഘടനാ ഭാരവാഹികളെയും വിവരം അറിയിച്ചതിന് ശേഷമാണ് താഴ് അറുത്തു മാറ്റി സ്ഥാപനം തുറന്നത്. ടൗണിലും പരിസര പ്രദേശങ്ങളിലും രാത്രികാലങ്ങളിൽ പൊലീസ് നിരിക്ഷണം ശക്തമാക്കണമെന്ന് വ്യാപാരികൾ ആവശ്യപ്പെട്ടു.
