ആറന്മുള: ഉതൃട്ടാതി വള്ളംകളി ഓഗസ്റ്റ് 30-ന് നടക്കുന്ന സാഹചര്യത്തില്‍ പൊതുജന സുരക്ഷയും സാമൂഹിക നിയന്ത്രണവും ഉറപ്പാക്കുന്നതിന് കോഴഞ്ചേരി താലൂക്ക് പരിധിയിലെ ആറന്മുള, കോഴഞ്ചേരി ഗ്രാമപഞ്ചായത്തുകളിലും തിരുവല്ല താലൂക്ക് പരിധിയിലെ തോട്ടപ്പുഴശ്ശേരി ഗ്രാമപഞ്ചായത്തിലും സമ്പൂര്‍ണ മദ്യ നിരോധനം ഏര്‍പ്പെടുത്തി.
ഓഗസ്റ്റ് 30 രാവിലെ ആറ് മുതല്‍ വൈകിട്ട് എട്ടുവരെ ബാറുകളും കള്ളുഷാപ്പുകളും വിദേശമദ്യഷോപ്പുകളും ഉള്‍പ്പെടെയുള്ള കടകള്‍ അടച്ചു സമ്പൂര്‍ണ മദ്യനിരോധനം പ്രഖ്യാപിച്ച് ജില്ല കലക്ടര്‍ എ. നിസാമുദ്ദീന്‍ ഉത്തരവായി.
