നിയമസഭ തിരഞ്ഞെടുപ്പ് : ഉദ്യോഗസ്ഥരെ അനുമോദിച്ചു

പത്തനംതിട്ട: നിയമസഭാ തിരഞ്ഞെടുപ്പ് സുഗമമായി നടത്തിയ  ഉദ്യോഗസ്ഥരെ ജില്ല ആസൂത്രണ സമിതി ഓഫീസ് കോൺഫറൻസ് ഹാളിൽ ജില്ല കലക്ടർ എസ് പ്രേം കൃഷ്‌ണൻ അനുമോദിച്ചു.

ജീവനക്കാരുടെ  പ്രവർത്തനമികവു കൊണ്ടാണ് പരാതി രഹിതതിരഞ്ഞെടുപ്പ്  നടത്താൻ സാധിച്ചതെന്ന് ജില്ല കലക്ടർ പറഞ്ഞു. തിരഞ്ഞെടുപ്പ് വിഭാഗം ഡെപ്യൂട്ടി കലക്ടർ കെ എസ് നസിയ അധ്യക്ഷയായി.

ജീവനക്കാർക്ക് സർട്ടിഫിക്കറ്റുകൾ വിതരണം ചെയ്തു. ജില്ല പൊലിസ് മേധാവി ആർ ആനന്ദ്, റിട്ടേണിങ് ഓഫീസർമാർ, അസിസ്റ്റൻ്റ് റിട്ടേണിങ് ഓഫീസർമാർ, നോഡൽ ഓഫീസർമാർ, അസിസ്റ്റന്റ് നോഡൽ ഓഫീസർമാർ, തിരഞ്ഞെടുപ്പ് ജോലികളിൽ പങ്കാളികളായ മറ്റ് ഉദ്യോഗസ്ഥർ തുടങ്ങിയവർ പങ്കെടുത്തു.