ന്യൂഡൽഹി : ബാങ്ക് ജീവനക്കാരുടെ സംഘടനകള്‍ ആഹ്വാനം ചെയ്ത 3 ദിവസത്തെ പണിമുടക്ക് കണക്കിലെടുത്ത് ഞായറാഴ്ച (27) ബാങ്കുകൾ തുറക്കാൻ ധനമന്ത്രാലയത്തിന്റെ നിർദേശം.പൊതുജനങ്ങൾ‍ക്കുള്ള ബാങ്കിങ് സേവനങ്ങൾ മുടങ്ങാതിരിക്കാനാണ് നീക്കം.
തിങ്കളാഴ്ച മുതൽ ബുധനാഴ്ച്ച(28 മുതൽ 30 )വരെയാണ് പണിമുടക്ക്.26 നാലാം ശനിയാഴ്ചയും, 27 ഞായറാഴ്ചയും വരുന്നതോടെ തുടർച്ചയായി 5 ദിവസങ്ങൾ ബാങ്കുകൾ അടഞ്ഞു കിടക്കും .ഇതിന് മുന്നോടിയായി ഉപഭോക്താക്കൾക്ക് അവശ്യ ബാങ്കിംഗ് സേവനങ്ങൾ പൂർത്തിയാക്കാൻ അവസരം നൽകുന്നതിനാണ് ഞായറാഴ്ച ബാങ്കുകൾ തുറക്കുന്നത്.
പണിമുടക്കിൽ നിന്ന് പിന്മാറണമെന്ന് സർക്കാരും ബാങ്ക് മാനേജ്‌മെന്റുകളും യൂണിയനുകളോട് അഭ്യർഥിച്ചിട്ടുണ്ട്.റിസര്‍വ് ബാങ്ക്, സെബി തുടങ്ങിയ സാമ്പത്തിക സ്ഥാപനങ്ങളുടെ മാതൃകയില്‍ രാജ്യത്തെ ബാങ്കുകളുടെ പ്രവൃത്തിദിനവും ആഴ്ചയില്‍ 5 ദിവസമാക്കണമെന്ന ആവശ്യമുന്നയിച്ചാണ് ജീവനക്കാരുടെ പണിമുടക്ക്.
 ബാങ്കുകൾ തുറക്കാൻ ധനമന്ത്രാലയത്തിന്റെ){kind=link}