ന്യൂഡൽഹി : കേന്ദ്രസർക്കാരുമായി നടത്തിയ ചർച്ചകൾ പരാജയപ്പെട്ടതിനെ തുടർന്ന് സെപ്റ്റംബർ 11-ന് മുൻകൂട്ടി നിശ്ചയിച്ച പണിമുടക്കുമായി ബാങ്ക് ജീവനക്കാരുടെ സംഘടന . ശനിയും ഞായറും കൂടി അവധിയായതിനാൽ 3 ദിവസം ബാങ്കുകൾ അടഞ്ഞു കിടക്കും .
ആഴ്ചയിൽ അഞ്ച് ദിവസത്തെ ബാങ്കിംഗ് എന്ന പ്രധാന ആവശ്യം സർക്കാർ അംഗീകരിക്കാത്തതിനാലാണ് സമരവുമായി മുന്നോട്ട് പോകുന്നതെന്ന് സംഘടനകൾ അറിയിച്ചു .ബെഫി, എഐബിഇഎ, എഐബിഒസി, എൻസിബിഇ അടക്കം രാജ്യത്തെ 7 യൂണിയനുകളുടെ സംയുക്ത സംഘടനയായ യുഎഫ്ബിയു ആണ് പണിമുടക്ക് പ്രഖ്യാപിച്ചിരിക്കുന്നത് .
