ചെങ്ങന്നൂർ: എം സി റോഡിലെ കല്ലിശ്ശേരിയിൽ കാറും ടാങ്കർ ലോറിയും കൂട്ടിയിടിച്ചുണ്ടായ അപകടത്തിൽ 4 പേർക്ക് പരിക്കേറ്റു. കാറിൽ ഉണ്ടായിരുന്ന അടൂർ പറക്കോട് സ്വദേശികളായ സിബി ബാബു (42), എൽസി (56), ജീനു അലക്സ് (56), സച്ചിൻ (31) എന്നിവർക്കാണ് പരിക്കേറ്റത്. കല്ലിശ്ശേരി പറയനക്കുഴിക്ക് സമീപം ഇന്ന് വൈകിട്ട് 6 മണിയോടെയാണ് അപകടം നടന്നത്. അപകടത്തിൽ കാറിന്റെ മുൻഭാഗം പൂർണമായും തകർന്നു. അപകടത്തിൽ പരിക്കേറ്റ യാത്രക്കാരായ 4പേരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
സംഭവത്തെ തുടർന്ന് എം സി റോഡിൽ അര മണിക്കൂറോളം ഗതാഗതം തടസപ്പെട്ടു. പോലീസും നാട്ടുകാരും ചേർന്ന് ഗതാഗതം പുനസ്ഥാപിച്ചു.
