ന്യൂഡല്ഹി: രാജ്യത്ത് വാണിജ്യ സിലിണ്ടറിന്റെ വില വീണ്ടും കൂട്ടി. 19 കിലോഗ്രാമിന്റെ വാണിജ്യ സിലിണ്ടറുകളുടെ വില 42 രൂപ വര്ധിപ്പിച്ച് 3113.50 രൂപയാക്കി. പുതിയ വില ഇന്ന് (ജൂണ് 1) മുതല് പ്രാബല്യത്തില് വരും. ഗാര്ഹിക സിലിണ്ടറുകളുടെ വിലയില് മാറ്റമില്ല.5 കിലോഗ്രാം എഫ്.ടി.എല് (ഫ്രീ ട്രേഡ് എല്.പി.ജി) സിലിണ്ടറുകളുടെ വില 11 രൂപ വര്ധിപ്പിച്ചു, 821.50 രൂപയാകും.
പാചക വാതക പൂഴ്ത്തിവെപ്പിനെതിരെ നടപടികള് തുടരുന്നതിനൊപ്പം, കരുതല് ശേഖരത്തിലൂടെ ഇന്ധന സുരക്ഷ ശക്തിപ്പെടുത്തുന്നതിനും തടസ്സമില്ലാത്ത വിതരണം ഉറപ്പാക്കുന്നതിനും സര്ക്കാര് ശ്രമിച്ചുവരികയാണെന്ന് പെട്രോളിയം പ്രകൃതി വാതക മന്ത്രാലയം ജോയിന്റ് സെക്രട്ടറി സുജാത ശര്മ്മ വ്യക്തമാക്കിയിരുന്നു.
