ഇലക്ട്രിക്ക് സ്കൂട്ടർ ഓടയിലേക്ക് മറിഞ്ഞ് മൂന്ന് എംബിബിഎസ് വിദ്യാർഥികൾ മരിച്ചു

കോഴിക്കോട് : കൊയിലാണ്ടി കുറുവങ്ങാട് ഇലക്ട്രിക്ക് സ്കൂട്ടർ ഓടയിലേക്ക് മറിഞ്ഞ് മൂന്ന് എംബിബിഎസ് വിദ്യാർഥികൾ മരിച്ചു .കൊല്ലം കരുനാഗപ്പള്ളി സ്വദേശി നന്ദകിഷോർ(22),കായകുളം കീരിക്കാട് സ്വദേശി അഭിയാൻ റഹ്മാൻ(19), പാലക്കാട് അലനല്ലൂർ സ്വദേശി അഭിനവ് സുരേഷ്(19) എന്നിവരാണ് മരിച്ചത്. മലബാർ മെഡിക്കൽ കോളേജിലെ വിദ്യാർത്ഥികളാണ് മൂന്നുപേരും.പുലർച്ചെ രണ്ടരയോടെയാണ് അപകടം ഉണ്ടായത്. ഇലക്ട്രിക് സ്കൂട്ടർ നിയന്ത്രണം വിട്ട് പോസ്റ്റിലിടിച്ച് ഓടയിലേക്ക് മറിഞ്ഞാണ് അപകടമുണ്ടായതെന്നാണ് പ്രാഥമിക നിഗമനം.