ചെങ്ങന്നൂർ: വെൺമണിയിൽ തെരുവുനായ ആക്രമണത്തിൽ വയോധികന് പരിക്ക്. വെൺമണി കണ്ടങ്കരയിൽ കെ.എസ് ദാനിയേലിനെ (കുഞ്ഞുമോൻ 83) ആണ് തെരുവുനായ ആക്രമണത്തിൽ പരിക്കേറ്റത്. ദാനിയേലിന്റെ മുഖത്തും കാലിലുമാണ് കടിയേററത്. തിങ്കളാഴ്ച രാവിലെ ഏഴുമണിയോടെ ആയിരുന്നു സംഭവം.
മാർത്തോമ്മാ പള്ളിക്ക് സമീപം മാടക്കട നടത്തുന്ന ആളാണ് ദാനിയേൽ. രാവിലെ കട തുറക്കാൻ എത്തിയപ്പോഴാണ് ആക്രമണമുണ്ടായത്. ചുണ്ടിനും കണ്ണിന്റെ വശത്തും കാലിനും മുറിവേറ്റിട്ടുണ്ട്. ഇയാളുടെ നിലവിളികേട്ട് ഓടിക്കൂടിയ നാട്ടുകാരാണ് നായയുടെ ആക്രമണത്തിൽ നിന്നും രക്ഷപ്പെടുത്തിയത്. പരിക്കേറ്റ ദാനിയേലിനെ ആലപ്പുഴ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
 ആണ് തെരുവുനായ ആക്രമണത്തിൽ){kind=link}