തൃശൂര്: വിഷുദിനത്തില് ഗുരുവായൂര് ക്ഷേത്രത്തില് വഴിപാടായി ആനയെ നടയിരുത്തി. ഇന്നലെ രാവിലെ ശീവേലിക്കു ശേഷമായിരുന്നു ചടങ്ങ് നടന്നത്. കൊച്ചി പാലാരിവട്ടം നാഗ്പാല് സ്റ്റേഡിയ പാര്ക്ക് വില്ലയില് ദീപക് നാരായണനാണ് വഴിപാടായി ആനയെ നടയിരുത്തിയത്.
ക്ഷേത്രം മേല്ശാന്തി ചെര്പ്പുളശ്ശേരി തെക്കും പറമ്പത്ത് മനയില് ടി എം നാരായണന് നമ്പൂതിരി മുഖ്യകാര്മികനായി. കൊമ്പന് കൃഷ്ണനാരായണന് ആനയെയാണ് നടയിരുത്തിയത്. ഇതിനായി പത്തുലക്ഷം രൂപ ദേവസ്വത്തിലടച്ചു.
ദേവസ്വം ചെയര്മാന് എ വി ഗോപിനാഥ്, ദേവസ്വം ഭരണസമിതി അംഗം സി. മനോജ്, ദേവസ്വം അഡ്മിനിസ്ട്രേറ്റര് ഒ ബി അരുണ്കുമാര്, ജീവധനം ഡപ്യൂട്ടി അഡ്മിനിസ്ട്രേറ്റര് എം രാധ, ഗോപുരം അസി. മാനേജര് ഇ സുന്ദര്രാജ്, പാരമ്പര്യവകാശികളായ മാദേമ്പാട്ട് ചന്ദ്രശേഖരന് നമ്പ്യാര്, കണ്ടിയൂര് പട്ടം വാസുദേവന് നമ്പീശന് എന്നിവര് പങ്കെടുത്തു.
