പത്തനംതിട്ട : സ്കൂൾ കുട്ടികളുടെയും ജനങ്ങളുടെയും സുരക്ഷ കണക്കിലെടുത്ത് ജില്ലയിൽ ടിപ്പർലോറികളുടെയും ടിപ്പർ മെക്കാനിസം ഉപയോഗിച്ച് പ്രവർത്തിക്കുന്ന വാഹനങ്ങളുടെയും ഗതാഗത നിരോധനം രാവിലെ 8.30 മുതൽ 10 വരെ എന്നത് രാവിലെ 7.30 മുതൽ 9.30 വരെയാക്കി പുനഃക്രമീകരിച്ചതായി ജില്ലാ കളക്ടർ എ. നിസാമുദ്ദീൻ പറഞ്ഞു.
വൈകീട്ട് മൂന്നു മുതൽ 4.30 വരെയാണ് ഗതാഗത നിരോധനം. ഉത്തരവ് നടപ്പാക്കുന്നതിന് ജില്ലാ പോലീസ് മേധാവി, റീജിണൽ ട്രാൻസ്പോർട്ട് ഓഫീസർ എന്നിവർ പ്രത്യേകം ശ്രദ്ധിക്കണമെന്നും നിയമം ലംഘിക്കുന്നവർക്കെതിരേ ശക്തമായ നിയമനടപടി സ്വീകരിക്കണമെന്നും ജില്ലാകളക്ടർ അറിയിച്ചു
