സിനിമ- സീരിയൽ നടൻ ദിലീപ് ശങ്കർ ഹോട്ടലിൽ മരിച്ച നിലയിൽ

തിരുവനന്തപുരം : സിനിമാ – സീരിയൽ നടൻ ദിലീപ് ശങ്കർ ഹോട്ടലിനുള്ളിൽ മരിച്ച നിലയിൽ. തിരുവനന്തപുരത്തെ സ്വകാര്യ ഹോട്ടലിലാണ് നടനെ മരിച്ച നിലയിൽ കണ്ടെത്തിയത്. നാല് ദിവസം മുമ്പാണ് ഒരു സീരിയലിന്റെ ഷൂട്ടിംഗിനായി ദിലീപ് തിരുവനന്തപുരത്തെത്തിയത്.രണ്ട് ദിവസമായി അദ്ദേഹം മുറി വിട്ട് പുറത്തേക്കൊന്നും പോയിരുന്നില്ലെന്നാണ് വിവരം.ദിലീപിനെ ഫോണിൽ കിട്ടാതെയായതോടെ ഒപ്പം അഭിനയിച്ചവർ ഹോട്ടലിലേക്ക് അന്വേഷിച്ച് എത്തിയിരുന്നു.ഹോട്ടൽ ജീവനക്കാർ മുറി തുറന്നു നോക്കയതോടെയാണു നടനെ മരിച്ച നിലയിൽ കണ്ടെത്തിയത്. മുറിയിൽ നിന്ന് ദുർഗന്ധം വമിച്ചിരുന്നു.എറണാകുളം സ്വദേശിയാണ് ദിലീപ് ശങ്കർ .